Pass 4: Kif nipproċessaw l-ilment tiegħek
X’jiġri meta l-ilment li nkun għamilt jiġi rreġistrat?
Meta nirċievu l-ilment tiegħek, nevalwawh informalment biex niddeterminaw għandniex naċċettawh jew le skont il-liġi.
Jekk l-ilment tiegħek jintlaqa’, nibagħtulek id-dettalji biex tħallas it-tariffa ta’ €25. Tista’ tagħżel li tħallasha b’wieħed minn dawn l-erba’ metodi:
- Kard tal-kreditu jew tad-debitu - din l-għażla noffruha biss lil min jibgħat l-ilment b’mod elettroniku.
- Trasferiment bankarju - Jekk titlobna d-dettalji tal-bank, ngħadduhomlok.
- Ċekk (jew draft bankarju) - naċċettaw biss ċekkijiet mingħand banek liċenzjati lokalment (li jkunu miktubin f’isem L-Uffiċċju tal-Arbitru għas-Servizzi Finanzjarji).
- Flus - bi flus kontanti billi tiġi personalment l-uffiċċji tagħna. Tibgħat qatt karti tal-flus jew muniti bil-posta.
Meta jiġi pproċessat il-ħlas, tirċievi rċevuta u nota. Fin-nota jkun hemm numru ta’ referenza uniku. Żommu ħalli tkun tista’ tirreferi għalih meta tikkorrispondi magħna waqt il-proċess tal-ilment.
It-tariffa ta’ €25 tingħata lura kollha jekk:
- jitwaqqa’ l-ilment, jew
- iż-żewġ partijiet jaslu għal ftehim qabel ma l-Arbitru joħroġ deċiżjoni (ara l-pass li jmiss).
L-ilment tiegħek u d-dokumentazzjoni kollha, imbagħad, jintbagħtu lill-provditur u jingħata 20 jum ċans biex jibgħat it-tweġiba tiegħu.
Meta jwieġeb, tintbagħatlek kopja tat-tweġiba tal-provditur u ssir stedina liż-żewġ partijiet tal-ilment biex jirreferu l-każ għall-medjazzjoni.
Medjazzjoni
Biex jissolvew il-kwistjonijiet, nirrakkomandaw il-medjazzjoni bħala l-ewwel u l-aħjar għażla.
Aqra aktar dwar il-proċess tal-medjazzjoni minn hawn.